ग्रामपंचायत कांचनगाव – सर्वसाधारण माहिती

कांचनगाव हे महाराष्ट्र राज्यातील नाशिक जिल्ह्यातील इगतपुरी तालुक्यात वसलेले एक मध्यम आकाराचे गाव आहे. या ग्रामपंचायतीची स्थापना दिनांक २१ जून १९६३ रोजी झाली. ग्रामपंचायतीचे प्रशासक श्री. नितीन एकनाथ गागोडे असून ग्रामपंचायत अधिकारी श्री. फुलचंद रघुनाथ वाघचौरे आहेत. 

२०११ च्या जनगणनेनुसार कांचनगाव गावाची एकूण लोकसंख्या २५४४ आहे, त्यापैकी १२४३ पुरुष आणि १३०१ महिला आहेत. गावातील लहान मुलांची (०-५ वयोगटातील) संख्या १६० आहे. गावाचा एकूण साक्षरता दर ६०.४२% असून, पुरुष साक्षरता ७०.४८% आणि महिला साक्षरता ५१.७१% आहे. अनुसूचित जातींची संख्या ३१४, अनुसूचित जमातींची संख्या ५४९, तर ओबीसी लोकसंख्या १६८१ आहे.

ग्रामपंचायत क्षेत्रात तीन प्रमुख वाड्या आहेत — अवचितवाडी, कोल्हाटवाडी आणि ठाकूरवाडी. गावात एकूण ५ अंगणवाड्या कार्यरत असून प्रत्येक ठिकाणी कार्यकर्ती व मदतनिस नियुक्त आहेत. शिक्षणासाठी गावात जिल्हा परिषद प्राथमिक शाळा (१ ली ते ७ वी) कार्यरत असून शाळेत कॉम्प्युटर लॅब, इन्व्हर्टर व खेळाचे मैदान उपलब्ध आहे. या शाळेला मुख्यमंत्री माझी शाळा सुंदर शाळा अभियानातर्फे २०२३-२४ मध्ये द्वितीय क्रमांकाचे पारितोषिक मिळाले आहे.

गावातील मुख्य व्यवसाय शेती असून, भात लागवड मोठ्या प्रमाणावर केली जाते. तसेच उन्हाळी हंगामात भाजीपाला व बागायती शेती देखील केली जाते. घोटी बाजारपेठ हा गावाचा प्रमुख कृषी विपणन केंद्र आहे. गावात सध्या ४४३ नळजोडणी धारक असून पाणीपुरवठ्यासाठी १००,००० लिटर क्षमतेची टाकी व वैयक्तिक नळयोजना कार्यरत आहे.

कांचनगाव ग्रामपंचायतीचे एकूण भौगोलिक क्षेत्र ७९०.४५ हेक्टर असून त्यापैकी ३९.०९ हे. बागायत, ७५१.८६ हे. जिरायत आहे. गावातील कुटुंबसंख्या ५८७ असून एकूण ६८९ खातेदार आहेत. गावात एक मतदान केंद्र असून एकूण मतदार संख्या २०३० (पुरुष – १०६७, स्त्रिया – ९६३) आहे.

गावात सांडपाणी व्यवस्थेसाठी भूमिगत गटार प्रणाली बसवली असून ३०० मिमी व ४५० मिमी पाइपलाइन एकूण ३३७४ मीटर बसविण्यात आली आहे. गावात ९८ वीज पोल बसवून दिवाबत्ती व्यवस्था केली आहे. पर्यावरण संवर्धनासाठी रस्त्यालगत, मोकळ्या जागेत व शेतकऱ्यांच्या बांधावर वृक्षलागवड करण्यात आली आहे.